Төшем килеше

3 класс

Татар теле

Тема: Төшем килеше.

Максаты: исемнәрнең килеш белән төрләнешен үзләштерү; сөйләм телен, иҗади фикерләү сәләтен үстерү; мөстәкыйль эшчәнлеккә өйрәтү; укучыларда аралашу культурасы һәм туган телгә мәхәббәт тәрбияләү.

Көтелгән нәтиҗәләр:

Предмет нәтиҗәләре: исемнәрне килешләр белән төрләндерергә өйрәнү; исемнәрне тикшерә белү.

Шәхескә кагылышлы нәтиҗәләр: белем алуның кирәклеген аңлау; үз–үзеңне этика кагыйдәләренә туры килерлек итеп тоту.

Метапредмет нәтиҗәләр:

Коммуникатив УУГ:укытучы һәм укучылар белән уку эшчәнлеген планлаштыру; парларда, төркемнәрдә тигез эшчәнлек алып бара; үз фикереңне әйтә, дәлилли белү; башкаларның фикерен тыңлый белү.

Регулятив УУГ:максат куя, үз эшеңне планлаштыра белү; гамәлләр эзлеклелеген әйтү, үз эшеңне тикшерү, үз эшеңне бәяли белү.

Танып – белү УУГ:тексттан кирәкле информацияне таба, чагыштыра, анализ һәм йомгак ясый белү.

Җиһазлау:кояш, болыт,рәсемнәр, карточкалар, килешләр турында шигырьләр, презентация.

Материал: Татар теле: дүртьеллык башлангыч татар мәктәбенең 3 нче сыйныфы өчен дәреслек/ И. Х. Мияссарова, К. Ф. Фәйзрахманова– Беренче кисәк. – Казан: “Мәгариф-Вакыт” нәшрияты, 2013 нче ел.

Дәрес барышы

I. Оештыру, уңай психологик халәт тудыру.

- Исәнмесез, укучылар!

Матур үтсен көнебез!

Көләч булсын йөзебез!

Дөрес, матур утырыйк,

Тырышып җавап бирик.

-Бер-беребезгә карап елмаю бүләк итик һәм дәресебезне башлап җибәрик.

Дәрестә дөрес утырып, яхшылап тыңлап, актив катнашырсыз дип ышанып калам. Минем өстәлдә серле тартма бар. Эчендә нәрсә бар икән дип уйлыйсыз, без бу сорауга җавапны дәрес ахырында алырбыз.

Сүз дежур укучыга бирелә.

II. Белем алу эшчәнлеген мотивацияләү.

• Менә сезгә карточкалар, һәрберегез үзегезгә ошаган төсне сайлар алыгыз. Карточкада язылган исемнәрнең килешләре буенча почмакларга барып басабыз.

-Нишләп бер укучыга урын булмады?( Чөнки без ул килешне белмибез)

- Димәк без бүген дәрестә нинди тема үтәчәкбез? (төшем килеше)

-Укучылар, без сезнең белән Исемнәр дөньясында. Инде берничә дәрес без Килешләр илендә сәяхәттә. Бүген дә сәяхәтебезне дәвам итәбез. Нинди максат куярбыз? Бүген без исемнәр, исемнәрнең килеш белән төрләнеше турында булган белемнәребезне тирәнәйтергә , камилләштерергә тырышырбыз һәм алдагы дәрестә бу тема буенча мөстәкыйль эш эшләрбез.

III. Белемнәрне актуальләштерү.

Дәфтәрләрне ачу.

1. Дөрес язу күнегүе.

- Тактага язылган җөмләне матур итеп күчереп языгыз.

Дөньяда тик эш икән,

Кешене кеше иткән.

• Укучылар, сез бу мәкальне ничек аңлыйсыз?

(Укучыларның фикерләре тыңлана, хезмәтнең мөһимлеге турында нәтиҗә ясала).

2. Әңгәмә:

- Узган дәрестә нинди теманы өйрәндек? (Юнәлеш килеше)

- Бүген нинди тема була дидек? (Төшем килеше)

IV. Яңа информацияне кабул итүне оештыру.

1.Дәреслекнең 69 нчы битеннән 127 нче күнегүне кычкырып уку.

Биремнәрне үтәү, сорауларга җавап бирү.

Сүзлек белән эшләү.

2.128 нче күнегүнеэшләү. Хәтердән язу.

3.Кроссворд чишү.

1. Кулы юк, балчык ташый,

Балтасы юк,өй ясый. (карлыгач)

1. Агач башы тукылдык,

Тукый-тукый тук булдык. (тукран)

3. Савытыннан сабы озын. (саескан)

4. Чуар киемле урам малае

Борчак җыя, кырда куна. (чыпчык)

5. Гөлдер-гөлдер гөл итекле

Гөлкәй кызыл читекле. (күгәрчен)

- Нәрсә дигән сүз килеп чыкты?

• Кыш көне кайсы кош бала чыгара? (чукыр)

1. Презентация карау. Исемнәрнең килеш белән төрләнеше.

V.Ял минуты.

VI. Алган белемнәрне ныгыту.

1. Парларда эш. Карточка буенча кушымчалар ялгарга.

2. Дәреслек буенча эшләү. 129 нчы күнегү. Телдән эшләнә.

3. Тест эшләү.

4. Төркемнәрдә эш. Килеш белән төрләндерергә

I төркем – тукран, карлыгач.

II төркем – саескан, чыпчык.

VII. Дәресне йомгаклау. Рефлексия.

• Дәрес башында нинди максат куйган идек?

• Без максатка ирештекме?

• Нинди яңалык белдек?

• Серле тармада нәрсә барын беләсегез киләме, ачып карыйкмы?

• Укучылар, бүгенге дәресне “5” легә кемнәр үзләштердем дип уйлый, 5 ле ала,

кемнәр үз эшчәнлегенә “4” ле куя, 4 ле ала, ә менә кем миңа әле күп тырышырга кирәк дип уйлый, 3 ле ала.

• Рәхмәт укучылар! Дәрестә бик тырышып эшләдегез.

VIII. Өй эше.

Карточкадан биремнәрне үтәргә, килешләрне кабатларга.

Адрес публикации: https://www.prodlenka.org/metodicheskie-razrabotki/613743-tshem-kileshe