Классный час на тему «Миллтлр дуслыгы-тынычлыкка илт»

Милләтләрдуслыгы – тынычлыкка илтә.

Максат:

1. Татарстанда яшәүче милләтләрнең дуслыгынхөрмәт итү.

2. Кешеләр арасындагы үзара мөнәсәбәтләрдә дуслыкның иң мөһим сыйфатларның берсе булуына ышаныч тәрбияләү.

3. Бер-береңә ярдәм кулы сузарга, дус һәм тату яшәргә, дуслыкның кадерен белергә өйрәтү, коллективта бердәмлек сыйфатлары булдыру.

Җиһазлар: Презентация, видео, плакат Татарстан картасы, кәгаз курчаклар киеме белән, “Лото” уены

Тәрбия сәгате барышы:

Укытучы: Исәнмесез, укучылар! Хәерле көн, кунаклар! Әйдәгез, матур итеп сәламлик әле бер-беребезне, каршыда һәм күршедә утыручы дусларыгызга, ягымлы елмаеп, кулларыгыз белән сәлам юллагыз әле.

Укучылар бер-берсен сәламлиләр .

1. Уку мәсьәләсен кую.

Укытучы. Дуслар, бүгенге сыйныф сәгатебезне видеоязмадан башлыйсым килә. Игътибар белән карагыз.(Видеоязма күрсәтү)

Укытучы:Нәрсә турында иде бу видеоязма?

Укучыларның җавабы: Халыклар турында, милләтләр турында, дуслык турында.

Укытучы сүзе: Дөрес, дусларым, барыгыз да дөрес аңлагансыз, дуслык турында. Ә дуслык ул кемнәр арасында булырга мөмкин? Ничек уйлыйсыз?

Укучылар: сыйныфташлар, бер тирәдә яши торган кешеләр, күршеләр, төрле-төрле милләтләр, халыклар арасында булырга мөмкин.

Укытучы:Әйе, барлык җаваплар да бик дөрес. Укучылар, ә сез милләтләр арасында булган дуслыкны ничек күзаллыйсыз?

Укучылар: төрле-төрле милләтләрнең бергә, бердәм булып яшәүләре дип күзаллыйм.

Укытучы: Әйе, дөрес. Тактадагы плакатка игтибар иттегезме? Нинди карта сүрәтләнгән?

Укучылар:Татарстан картасы

Укытучы:Безнең Татарстанда нинди милләтләр яши икән?

Укучылар:Татар, рус, чуваш, мари, удмурт, казах, керәшен һ.башкалар.

Укытучы:Дөрес.Безнең Татарстанда милләтләр дус яшиләр микән?

Укучылар: Дус-тату яшиләр.

Укытучы: Әйе, укучылар, сез әйткәнчә, Татарстан – барлык халыкларның уртак йорты һәм без шул гүзәл илебездә бер гаилә булып яшибез икән. Шушы гаилә эчендә тынычлык, бер-береңне аңлау булса гына, безнең республикабыз матур булачак. Димәк, балалар, бүген без нәрсә турында сөйләшербез инде?

Укучылар:Милләтләр дуслыгы турында

Укытучы: Дөрес, сыйныф сәгатебезнең темасы “Милләтләр дуслыгы – тынычлыкка илтә”дип атала.

Ә менә әйтегез әле, милләт халыклары барысы да бертөрлеме?

Укучылар:Юк.

Укытучы: Ничек уйлыйсыз, алар нәрсәләре белән аерылалар?

Укучлар җавабы: Алар диннәре, тән төсе, телләре, киемнәре, гореф-гадәтләре, бәйрәмнәре белән аерылалар.

Укытучы:Әйе, дөрес.Әгәр бер халык үзен икенчесеннән өстен санап, башка халыкларны кимсетсә, нәрсә булыр иде?

Укучылар җавабы: Талашырлар иде, дус булмаслар иде, сугышлар булыр иде.

Укытучы:Әйе шул.Без үзебезне авыр вакытларда ничек тотарга тиеш?

Укучылар:Бердәм булырга, бер-беребезне рәнҗетмәскә, вакытны юк-барга, талашка әрәм итмәскә. Дус, тату яшәргә. Шул вакытта без барлык авырлыкларны җиңеп чыга алырбыз.

Укытучы:Бик дөрес җаваплар таптыгыз. Дуслык – дөньяда иң кирәкле мөнәсәбәтләрнең берсе. Дуслык булса гына, илебездә тынычлык булыр. Шулай ук тынчлык булсын өчен халыкларга бер-берсенең гореф-гадәтләрен, яшәешен белү дә кирәк. Әйдәгез хәзер мин сезгә экраннан төрле милләт вәкилләрен күрсәтәм. Аларның бәйрәмнәрен карап узарбыз. (Презентация күрсәтү)

Укытучы:Безнең республикада иң күп милләт вәкиле кемнәр?

Укучылар:Татарлар.

Укытучы:Дөрес. Әйдәгез бер уен уйныйбыз. Сез безнең ризыкларны, бәйрәмнәрне беәсезме икән. Шуны тикшереп карыйбыз. “Лото” уенын беләсезме?

Менә сезгә таблицалар һәм карточкалар. Мин сезгә сүз әйтәм , мәсәлән, бәйрәм, ә сез шундый рәсемне тиз генә табып таблицага дөрес итеп шул сүз өстенә куярга тиешсез.

(БӘЙРӘМ, КАМЫР РИЗЫГЫ, АЯК КИЕМЕ, ШУЛПАЛЫ РИЗЫК, БАШ КИЕМЕ, ЙОЛА, ӨС КИЕМЕ, ЕЛГА ЯКИ КҮЛ, АВЫЛ ИСЕМЕ, ИТЛЕ РИЗЫК, ШӘҺӘР, ГЕОГРАФИК АТАМА)

Укытучы:Афәрин, укучылар. Сез бик белемле икәнсез.

Укытучы:Сезнең алда кәгаз курчаклар. Хәзер сез аларны төрле милләт вәкиле итеп киендерергә тиешсез. Киендергәндә дөрес булсын өчен, нәрсәгә игтибар итәбез? Киемнең төсенә яки орнаментларына игтибар итегез яме.

Укытучы:Афәрин, укучылар. Ә хәзер менә шул милләт вәкиле итеп киендергән курчакларны Татарстан картасына беркетегез.

Укытучы:Карагыз әле, укучылар, нәрсә күрәбез?

Укучылар:Төрле милләт халыклары бездә яши. Без күбәү.

Укытучы:Күргәнебезчә, Безнең Татарстан республикасы – барлык халыкларның уртак йорты һәм без шул гүзәл илебездә бер гаилә булып яшибез икән. Димәк, балалар, бүген без нәрсә турында сөйләштек?

Укучылар:Төрле милләт халыклары дуслыгы турында.

Укытучы: Дөрес, әйдәгез әле, кулга-кул тотынышып, бергә түгәрәккә басып гөрләтеп, матур, тату, дус яшик әле!

Бергәләшеп дуслык җырына бию.

Барлык булган теләкләребез тормышка ашсын!

Барыгызга да зур рәхмәт. Сезнең белән эшләүләре шундый рәхәт булды бүген. Сау булыгыз. Үзара дус яшәгез, чөнки милләтләр арасындагы дуслык нәкъ менә бездән, сездән башлана.

Адрес публикации: https://www.prodlenka.org/metodicheskie-razrabotki/618598-klassnyj-chas-na-temu-milltlr-duslygytynyc