Транспорт ( транспортлар)

Мәктәпкә әзерлек төркемендә “Транспортлар”темасы буенча сөйләм телен үстерү шөгыле.

Максат:1) транспорт темасы буенча белемнәрен ныгыту, сүзләргә

иҗек-аваз анализы ясау, сүзләрнең беренче авазын аерып

алу,

2) фонематик ишетү сәләтен үстерү, җөмлә төзү күнек-

мәсен , фикерләү сәләтен, сөйләм телен үстерү,

3) мөстәкыйльлек, шөгыльдә катнашу теләге булдыру, үз-

үзеңә бәя бирә белү.

Җиһазлау: транспорт рәсемнәре, поезд, хәрефләр, рәсемле ребус,

хайваннар рәсемнәре,һәр балага карточкалар (штрихлау,

4 нчесе артык),. Автобус өлешләре, кайчы, клей, салфеткалар.

Шөгыль барышы:

Оештыру өлеше.

Балалар урындыклар янына басалар.Исәнләшәләр.Урындыкларга утыралар.

Тәрбияче: -Балалар мин сезгә табышмаклар әйтәм,игътибар белән тыңлагыз:

-Канаты бар,җилпеми

Эче җылы җил тими.

Корыч йөрәкле кош ул,

Безнең яраткан дус ул. (самолет)

Тәрәзәле һәр ягы

Җиргә тими аягы

Сыртында бар дугасы,

Я бу нинди юрга соң? (трамвай)

Тәрбияче: - болар бер генә сүз белән ничек атала? (транспортлар)

Тәрбияче: -димәк без бүген транспортлар турында белемнәрне кабатлыйбыз икән.

11. Өйрәнгәннәрне ныгыту.

1) Таблицага карагыз.

- Өске рәттә бер генә сүз белән ничек атала?

- Һава транспорты.

-Урта рәттә бер генә сүз белән ничек атала?

- Су транспорты.

-Аскы рәттә бер генә сүз белән ничек атала?

- Җир транспорты.

-Аскы рәттә кайсы транспорт артык?

- Поезд. –Ни өчен?

-Чөнки ул тимер юл транспорты, ә калганнары җир транспорты.

-Поездны кем йөртә?

-машинист.

111.Төп өлеш.

2) Балалар бакчасына бер хат килгән. (хатны укыйм),Поездның вагонына хәрефләр яшеренгән,аларны ачар өчен биремнәрне үтәргә кирәк.Дөрес үтәсәгез алар ачылыр.

1) Җәнлекләрне транспортка утырт.

- Җәнлек исеменең беренче авазы нинди, шул ук аваздан башланган транспортка утыра.

Песи-поездга

Ат-автобуска

Сыер-самолетка

Кәҗә-катерга

Төлке-теплоходка.

Молодцы, беренче биремне үтәдегез, инде хәрефне ачыйк.(Д ) хәрефе.

“Штрихлау.” (“ Дүртенчесе артык”)

Икенче хәрефне белер өчен өстәл өстендәге битләрне ачыгыз, нәрсә артык икәнен атагыз.

(самолет,машина,грузовик,автобус)

Самолет артык.

Ни өчен?

Чөнки ул һава траспорты, ә калганнары җир транспорты.

Артык транспортны штрихлагыз.

Икенче хәреф нинди? ( У )

Физкультминутка.

Җир транспортына –чүгәләргә, һава – очу хәрәкәте,су –йөзү хәрәкәте ясарга.

Өченче хәреф ( С )

Җөмлә төзе.

Сүзләрне тәртипкә китереп җөмләләр төзергә.

Оча самолет һава

Поезд тиз тимер юл йөри

Кешеләр утыра автобус

- Дүртенче хәреф ( Л )

5) Ребусны чиш.

Алма, ваза,тычкан,оя, барабан, ук, суган рәсемнәре

Сүзләрнең 1нче авазын гына калдырып бер транспорт исемен укырсыз.

Автобус.

Бишенче хәреф ( Ы )

6)Автобус ябыштыру. (кисеп ябыштыру)

- Алтынчы хәреф ( К )

1111. Йомгаклау.

- Молодцы балалар, безнең дуслык поезды кузгалып китте.

Татарстан Республикасы

Түбән Кама шәһәре

78 нче “Ләйсән” балалар бакчасы

муниципаль мәктәпкәчә белем бирү

учреждениесенең тәрбиячесе

Жемчужникова Гөлназ Равилевна

Татарстан республикасы

Түбән Кама муниципаль районы башкарма комитетының

“Мәктәпкәчә мәгариф идарәсе” муниципаль учреждениесе

78 нче балалар бакчасы 6 нчы төркемендә

сөйләм теле һәм кисеп ябыштыру

эшчәнлеге конспекты

Тәрбияче:Жемчужникова Г. Р.

Түбән Кама шәһәре

2014 нче ел

Адрес публикации: https://www.prodlenka.org/metodicheskie-razrabotki/61912-transporttransportlar