Открытый урок «Х1урпри ва алфавит» в 5 кл

МКОУ «Ургубамахинская СОШ»

Открытый урок родного

языка в 5 кл.

Тема:

«Х1урпри ва алфавит».

Выполнила:

учительница родного

языка и литературы

Магомедова Патимат Ш-на.

УРГУБА 2018г.

Дарсла тема: «Хlурпри ва алфавит»

Дарсла мурад: тlамала ра хlярплара ургабси декlардеш дурхlнази аргъахъни. Алфавитла хlурпрала уми дархьли ирес ва алфавитличебли чула бузерилизиб пайдалабирахъес ( словарь пайдалабирухlели, список бирухlели ва ц.) дурхlни бурсибарни.

Дарсла башри:

Гьала-гьала хъули бедибси хlянчи ахтардибарес ( сари алкlути мерани хlясибли гъайла тlамри кьукьначи дутlни).

Кlинайс арбякьунси дарсла теорияла шайзибадси материал тикрарбиру. Ишдигъунти суалти тlашдалта:

алкlутив?

Дахъал, гьар тяхlярла, тlамри нушаб сен гlягlнитили детауртив? (дугьби декlар-декlарти мягlнубала дегlти детаахъес багьандан.)

Учительли гьандуршу чар, чир, чер; тlал, тlал, тlул; кьар, мар, хъар, пар, нар ибти дугьби тlамри хlясибли ва мягlна хlясибли илдала ургабси декlардеш сегъунсил бурахъу.

Хъули хlянчи ахтардибарили гlергъи, фонетика бучlниличи дурхlнала диги имцlабиахъес бахlандан , гъай пасихlтили, къугъатили детарахъуси аллитецияла (термин гьанхlебушили) приемличи дурхlнала пикри бяхlчиаъни гlяхlси саби.

Поэтунани, далайчибани, гъайла устнани чула далуйти_-назмуртазтр, хабуртазир цацадехl тlамри тиккрардикlахъуси тахlяр бирар, гъай саркъибтили, зайдикlутили, кадизуртили детаахъес багьандан.Масала, Батирайли сунела далуйтазиб аллитерация бягlули пайдалабирусири. Хlера, иш куплет:

Мар чинайла чархлизир

Чакарла майдан уркlи,

Хьар вацlайла хьанцl бицlъон

Цlум селис хьадикlулле.

Ишар дигарцад жагали зайдикlули сари тlамри ч , р, хь, цl, сенкlун илди тlамри далайла куплетлизир тикрардикlули сари. Хlера, илдигъунти тикрардикlути тlамри дурхlнази хlясибдирахъу , илдигъунти чумал куплет хlердиру, кlинайс ил журала чузиб аллитерация лебти далуйти ва назмурти саби дурхlнази дургахъу.

Ишгъуна хlянчи барнила мезла тlамрачи дурхlнала диги алкlахъу, тlамрала къугъадеш хlясиббирес бурсибирар, назму – далайла зайбикlудешличи пикри бяхlчикайутили бетарар, ва илгъуна хlянчили саркъахъили учlнила бурсидеш акlнилис кумекбиру, къантlли буралли, литератураличил мезла бархбас алкlахъу.

2.Гьанна сагаси дарсла тема доскаличи лукlулра ва бехlбихьудла классуназиб хlурпрачила ва алфавитличила белчlунси гьанбиеахъили сагаси дарс бехlбирхьу.

Учительли хlурпри се сарил, илди селис гlягlнитил, алфавит се сабил,илала сегъуна кьадри леблсил буру. Дарсличиб хасси пикри бяхlчииу кlел тlамалис дузахъути хlурпрачи (з, ж, г, в ), цацадехl хlяланазиб декlар-декlарти тlамри сари ируливан хlелукlниличи (хlябмузан –«хlяммузан», кагъарла –«кагъалла»), девлизирти тlамралара хlурпралара кьадар гьар замана цугли хlебирниличи ( вявъала: хlярп -7, тlама -6) ва ц.

Гlур алфавит бучlниличи лябкьян, гьала –гьала иличила се балулилра гьанбикахъили. Дурхlнани жузла 15 ибил бяхl гьаргбирхъу. Учительли жузличибад ахъли саркъахъили алфавит бучlа, кlинайс ил бучlа чумал дурхlялира.

3. Дарс кагахъес ишди хlяурбачибли:

1.а) Даргала алфавитлизир хlярп чум сари? ( 46 хlярп сари).

б) Илди секьяйда каргьурлив ? ( белгиси гьаб –гlергъидешлчил каргьули сари).

в) Алфавит или селис бикlара?(«Гlядатли бубси гьаб –гlегъидешличил кадихьибти лерилра хlурпрас алфавит или бикlар»). «Алфавит» ибси термин урус мезлизибад гlебасибси биъни буру.

г) Даргала алфавит чиди мезла алфавит хьулчили кабихьили барибсив? (Урус мезла алфавит хьулчили буцили барибси саби).

гъ) Дарган мезличи хасти тlамри аргъахъес багьандан акlахъубти хlурпри сегъунти сарив? (Илдигъунти 13хlярп лер, сарира ъ имцlабарили дарибти гъ, къ, хъ; ь имцlабарилидрибти гь, кь, хь; l имцlабарили дарибти гl, кl, пl, тl, хl, цl, чl.Илдас кlиркlа хlурпри или бикlар, сенахlенну илди кlикlел хlярплизирадли детаурли сари).

гь ) Алфавит урчlиличиб бяркъес селис хlяжатсив? ( Словарьличиб хlянчи бузахъес багьандан, жура –журала списокуни лукlес ва и. ц.).

гl ) Даргала алфавитла лерил хlурпри чум кьукьяличи дуртlулив?(Илди гьандуршахъу ва хlурпри дурахъу).

Ишгъуна таблица чебяхlкайхъулра:

------------------------------------------------------------------------------------------------------------------------------------------

Абхьибти хlурпри сари 10: а, е, е,и, о, у, ы, э, ю, я;

Кьяпlти хlурпри сари 35: б, в, г, гъ, гь, гl, д, ж, з, й,

к, къ, кь, кl,л, м, н, п, пl,

р, с, т, тl, ф, х, хъ, хь, хl,

цl, ч,чl , ш, щ, ъ.

Декlарбирнила ишара ъ ва кlантlидешла ь.

3 Кlинайс хlябал колонкализир кьяпlти хlурпрала уми чедиахъуси таблица чебяхlкайхъу. Ца колонкализир э гьалаб бакlили, хlябъибиллизир а гlергъи бакlили ирути.

----------------------------------------------------------------------------------------------------

бэ, вэ, гэ, гъэ, гьэ,эл, э м, эн, ка, къа, кьа,кlа,

гlэ, дэ, жэ, зэ, пэ, эр, эс, эфха, хъа, хьа, ша, ща

пlэ, тэ, тlэ, хlэ, цэ,

цlе, че, чlэ

----------------------------------------------------------------------------------------------------

1.Доскаличи лукlа дугьби парта, рузи, къала.

Дурхlначи хъарбиру гьала –гьала дугьбазирти тlамри дурахъес, кlинайс сегъунти хlурпразибад дев цахlнабикилил бурахъу.

Доскаличира тетрадуназира лукlа:

Парта –тlамри: п, а, р, т, а;

- хlурпри: (пэ), а(а), р(эр), т(тэ), а(а).

Рузи –тlамри: р, у, з(дз), и;

- хlурпри: р(эр), у(у), з(дзэ), и(и).

Къала –тlамри: къ,а, л, а;

- хlурпри: къ(къа), а(а), л(эл), а(а).

Кьиматуни:

Хъули хlянчи. Жузлизибад 2ибил параграф бяркъес ва 30 ибил хlянчи барес. Алфавит уркlиличиб бяркъес.

Директор школы : / / Исаев А.Г.

Заместитель по ВР : / / Гаджиева П.И.

Отзыв

на открытый урок по родному языку

«Х1урпри ва алфавит» в 5 классе

учителя родного языка и литературы Магомедовой П.Ш.

Открытый урок родного языка Магомедовой П.Ш. «Х1урпри ва алфавит» разработан в соответствии с требованиями  ФГОС. 

Учитель приветствует детей, высказывая добрые пожелания. В результате создается положительная эмоциональная направленность, благоприятная атмосфера заинтересованности.

В начале урока учитель создаёт проблемную ситуацию, учащиеся самостоятельно размышляют и формулируют тему урока.

На втором этапе урока дети работают с презентацией, выявляют роль алфавита и букв.

На этапе закрепления изученного учащиеся применяют правило, решая проблемную ситуацию. Результатом этого этапа является самоконтроль и самооценка, каждый для себя делает вывод, что он уже умеет.

Проводится физминутка.

Данный урок достиг поставленных целей посредством соответствующего планирования и организации. Материал урока усвоен обучающимися. Объем письменных работ на уроке соответствовал нормативным требованиям. Высок воспитывающий эффект урока.

Учитель русского языка Гаджимагомедова М.Г.

Адрес публикации: https://www.prodlenka.org/metodicheskie-razrabotki/306945-otkrytyj-urok-h1urpri-va-alfavit-v-5-kl