Memorize a song in the family and in the garden

Oilada va bog‘chada qo‘shiqni yod olish

O‘qituvchining qo‘shiq ijro etishi va uni o‘rgatishi jarayonidagi muhim bir payt hisoblanadi. O‘qituvchi qo‘shiqni nechog‘lik aniq, ravshan, ta’sirli ijro etsa, bu qo‘shiq o‘quvchilarga shunchalik tushunarli bo‘lib qoladi, qo‘shiqni o‘rganish ularga oson bo‘lib ko‘rinadi. Bolalar qo‘shiqni kuchli taassurot bilan tinglashar ekan, ularning shu qo‘shiqni tezroq o‘rganib olgilari keladi. Shunday qilib, bolalarni jim o‘tirib, diqqat bilan qo‘shiq tinglashga odatlantira boorish kerak. O‘qituvchi qo‘shiqni boshidan oxirigacha ham, qisman ham ijro etishi mumkin.

Agar qo‘shiq tabiat manzaralarini aks ettirsa, yil fasllarini ifodalasa, unda qandaydir umumiy mazmun va kayfiyat bayon qilinadigan bo‘lsa, qo‘shiqning bir bandini ijro etishning o‘zi kifoya qiladi, boshqa bandlari esa kuylamasdan, o‘qib beriladi. Ammo ayrim qahramonlarga, tarixiy voqealarga zid qo‘shiq va ashulalarda bo‘lganidek, qo‘shiq rivojining umumiy yo‘li yaqqol ma’lum bo‘lsa, bolalarning yaxlit badiiy obraz taassurotini hosil qilish uchun qo‘shiqni to‘liq ijro etish afzalroq bo‘ladi. Masalan, N.Norxo‘jayevning «Chamandagi gullarmiz» qo‘shig‘ining birinchi bandini ijro etishning o‘zi kifoya qiladi.

Bizlar ko‘pmiz dunyoda,

Suv oqqanday daryoda.

Biz yursak qatorlashib,

Ko‘chalar ketar toshib.

Qizlarmiz, o‘g‘illarmiz:

Chamandagi gullarmiz.

Qo‘shiq aytsak baralla,

Top-toza tonggi palla –

Ovozimizni tinglab,

Oftob chiqar yiltillab.

Qizlarmiz, o‘g‘illarmiz:

Chamandagi gullarmiz.

Olamni kuldiraylik,

Shodlikka to‘ldiraylik.

Bizlar o‘qib, ishlaymiz,

Chin do‘stlikni istaymiz!

Qizlarmiz, o‘g‘illarmiz:

Chamandagi gullarmiz.

Адрес публикации: https://www.prodlenka.org/metodicheskie-razrabotki/482695-memorize-a-song-in-the-family-and-in-the-gard