Конспект по развитию речи во второй младшей группе «Аю бездә кунакта»

Муниципальное дошкольное образовательное учреждение «Сарайлинский

детский сад» Сармановского муниципального района Республики Татарстан

Конспектпо развитию речиво второй младшей группе

«Аю бездә кунакта»

подготовила заведующая

Харисова Алсу Равилевна

с. Сарайлы

2013 год

Максат: Бәйләнешле сөйләм күнекмәләрен булдыру. Тәрбияче үрнәге бкенча уенчык турында сөйләргә өйрәтү. Татар халык авыз иҗаты кулланып (хәрәкәтле уен, бармак уены) балаларның сөйләм телен , культурасын үстерү.

Кышкы киемнәрнең исемнәрен, төсләрен ныгыту, киенү тәртибен кабатлау.

Ярдәмчелек хисе, игътибарлылык тәрбияләү.

Ярдәмлелек: уенчык аю, аның өчен кышкы өс киемнәре, кием-салым сурәтләнгән рәсемнәр.

Шөгыль барышы:

Балалар, бүген безгә шөгыльгә аю баласы Әппәс килгән. Ул сезгә ошыймы? Мин сезгә хәзер Әппәс турында сөйлим.

Бу аю. Ул зур, матур, йомшак. Аның кечкенә колаклары, елтыравык күзләре бар. Аю урманда яши. Ул бал ярата. (Аю турында 2 баланың сөйләме).

Әйе, безнең бакчада бик күңелле. Иртән килгәч балалар яраткан уенчыклары белән уйныйлар, зарядка ясыйлар, иртәнге аш ашыйлар, төрле уеннар уйныйлар. Әйдәгез әле, аю белән уйнап алабыз.

Уен “Аю- бүре”

Дуслар кая барасыз?

Кара урманга барабыз.

Кара урманда нишлисез?

Җиләк җыябыз.

Җиләк белән нишлисез?

Җиләктән как коябыз.

Аю чыкса нишлисез?

Урман буйлап чабабыз.

Балалар: Җиләк җыям, как коям

Дәү әнигә бүләккә

Монда җиләк күп икән,

Аю-бүре юк икән.

Яшеренгән урыннан аю чыга, балалар урыннарына йөгерә.

Ә, хәзер бездә шөгыль. Аннан соң урамга чыгарбыз.Балалар,Әппәснең дә безнең белән урамга чыгасы килә. Әйдәгез аны киендерик. Урамда салкын, җылы итеп киендерергә кирәк. Балалар, кайда сезнең нәни кулларыгыз?

Җитез бармакларыгыз кайда? Әйдәгез, әле бармакларны санап алыйк.

Бу бармак-бабай,

Бу бармак-әби,

Бу бармак-әти,

Бу бармак-әни,

Бу бармак-чәнти.

Балалар, хәзер без сезнең белән рәсемнәр карап китәрбез.Бу рәсемнәрдә нәрсәләр күрәбез? Дөрес, өс киемнәре. (Өс киемнәренең исемнәрен бергәләп әйтеп,киенү тәртибен искә төшерү).

Кем булыша миңа Әппәсне киендерергә? (өс киемнәренең исемнәрен әйтеп, тәртип белән аюны киендерү).

Әппәсне киендердек. Урамга чыккач туңмасинде.

Ял минуты “Урамга чыгабыз”.

Колготки, оекбашлар, җылы ыштан, итекләр, аннары кофта, башлык пәлтә киябез. Урамга чыктык, туңдык, сикереп алабыз, аякларны тыпырдатабыз. Кул чабабыз. Кире бакчага керәбез

Йомгаклау.Балалар, сезгә бүгенге шөгыл ошадымы? Әппәстә, сезне бик ошаткан.

Аңа сезнең җавапларыгыз һәм урамга чыкканда дөрес, матур итеп киенүегез бик ошаган.

Кулланылган әдәбият:

Зиннурова Ф. М. «Учимся, играя» на татарском языке - Казань: Издательство «Магариф», 2007.

http://area7.ru/metodic-material.php?10148

Адрес публикации: https://www.prodlenka.org/metodicheskie-razrabotki/13833-konspekt-po-razvitiju-rechi-vo-vtoroj-mladshe