Ақтау. Тараз

Күні:23.02.2017

Сыныбы:8 «а»

Пәні: қазақ тілі

Сабақтың тақырыбы: Тараз. Ақтау

Сабақтың мақсаты:

1. Әр оқушының жеке қабілеттерін ашып, дамытуына қажетті жағдай жасау. Тақырыпқа қатысты жаңа сөздерді меңгерту.
2. Үйренген сөздерін дұрыс қолдана білу дағдысын дамыту. Оқығанын түсініп, өз ойын дұрыс жеткізе білуге жаттықтыру. Логикалық ойлау қабілеттерін дамыту.
3. Отанын мақтаныш етуге, сүюге тәрбиелеу.

Сабақтың түрі: жаңа сабақ.

Сабақтың әдіс-тәсілдері: әңгімелеу, сұрақ-жауап, пікірлесу.

Сабақтың жұмыс формалары: ұжымдық, жеке.

Сабақтың барысы.

І. Ұйымдастыру кезеңі.
•Сәлемдесу;

• Сыныпты түгелдеу.

ІІ. Үй жұмысын тексеру.

3–тапсырма.Көп нүктенің орнына тиісті сөздерді қойып, көшіріп жазыңдар.

1. Алматы – тәуелсіздігіміздің алтын бесігі. 2. Алматының тарихы – Қазақстанның тарихы. 3. Алматы жетпіс жыл еліміздің астанасы болған. 4. Алматы – Алатаудың баурайында табиғаты ғажап жерге орналасқан. 5. Алматы тарихын үш кезеңге бөлуге болады. 6. Қола дәуірде Алматы аумағында отырықшы елді мекендер мен қалалар болғанын археологиялық зерттеулер дәлелдеуде. 7. Шыңғыс хан шапқыншылығы қаланы қиратты, бірақ қала қайта өркендеген. 8. Кіші Алматы өзенінің сол жағалауында «Заилийск» деп аталған әскери бекініс салына бастайды.

ІІІ. Жаңа сабақ

Тараз

Тараз – Жамбыл облысының орталығы. 1938 – 1997 жылдар арасында Жамбыл деп аталған, одан бұрын Әулиеата деп аталған. Орта ғасырларда Тараз деген атауымен әйгілі болды. 1997 жылдан бастап қалаға тарихи атауы қайтарылды. 2002 жылы Тараз өзінің құрылғанына 2000 жыл толған мерейтойын тойлады. Орта ғасырларда Тараз Ұлы Жібек жолының бойында орналасқан қалалардың бірі еді.

Қазақстан тәуелсіздігін алған соң Тараз қаласы қайта өркендеуде. Қалада фосфор зауыты, «Автобөлшектер» зауыты т.б. өндіріс орындары жұмыс істейді.

Тараз қаласында Айша Бибі, Бабаджа хатун, Қарахан, Тектұрмас кесенелері, ортағасырлық монша орналасқан. Қалаға келген туристер осы кесенелерді көруге асығады.

Тараз қаласының халық санының 70%-ы қазақтар. Қалада орыстар, өзбектер, кәрістер, татарлар, түріктер, немістер, күрдтер, дүнгендер, қырғыздар, әзірбайжандар, ұйғырлар және т.б. тұрады. Қалада «Достық үйі» бар.

Ақтау

Ақтау – Қазақстанның оңтүстік – батысындағы қала, Маңғыстау облысының орталығы. Қалада – теңіз және әуе айлағы бар. Қала Каспий теңізінің жағасында орналасқан. 1964 жылдан 1991 жылға дейін украин ақыны Тарас Шевченконың құрметіне Шевченко аталған.
Ақтау - өндірістік қала, мұнай және газ өндіріледі. Қалада теміржол вокзалы жоқ. Пойыздар Маңғышлақ стансасына келіп тоқтайды. Қала мен стансы арасында автобус, таксилер қатынайды, арақашықтығы – 20 шақырым. Ақтау айлағы Каспий теңізінің шығыс жағалауында орналасқан. Ақтау – Қазақстандағы жалғыз айлақ. Ол мұнай шикізатын және мұнай өнімдерін тасымалдауға арналған.

Қала халқының ұлттық құрамы – қазақтар, орыстар, украиндер, шешендер, лезгиндер және т.б.

ІV. Мәтінмен жұмыс

Мәтінді оқып, түсінгендеріңді айтып беріңдер.

V. Сөздікпен жұмыс

Төмендегі жаңа сөздерді жазып, жаттау.

атау – название

қайтарылды – вернули

мерейтой – юбилей

қайта өркендеу – возродиться

ортағасырлық – средневековый

кесене – мавзолей

айлақ – порт

құрметіне – здесь: в честь

өндіріледі – производится

қатынайды – здесь: ходят

арақашықтық – расстояние

тасымалдау – перевозка

шикізат – сырье

өнім – продукция

құрамы – состав

VI. Жаттығу жұмыстары

3–тапсырма. Төмендегі сөздерге тиісті жұрнақтарды жалғап, сөйлем құрап жазыңдар.

Ер жігіттің бойында батылдық пен батырлық қасиет болуы керек.

Бірлік түбі – тірлік.

Татулық– табылмас бақыт.

Тәуелсіздік– мәңгілік құндылық.

Біз жаңа жылдық кеште өнер көрсетеміз.

Менің студент әпкем беделді компанияданөнідірістік тәжірибеден өтті.

4-тапсырма. Сөйлемдерді толықтырып жазыңдар.

Тараз қаласы бұрын Жамбыл және Әулиеата деп аталған. Қалаға 1997 жылы өзінің тарихи атауы қайтарылды. Тараз қаласында Айша Бибі, Бабаджа хатун, Қарахан, Тектұрмас кесенелері орналасқан. Қалада орыстар, өзбектер, кәрістер, татарлар, түріктер, немістер, күрдтер, дүнгендер, қырғыздар, әзірбайжандар, ұйғырлар және т.б. тұрады.

6-тапсырма. Сөйлемдерді дұрыс құрастырып жазыңдар.

1. Маңғышлақ стансысына пойыздар тоқтайды.

2. Себебі, Ақтауда теміржол вокзалы жоқ.

3. Стансы мен қала арасына автобустар қатынайды.

4. Біз Ақтауға таксимен келдік.

5. Ақтау Маңғышлақтан 20 шақырым жерде орналасқан.

VI. Сабақты қорыту.

Сендер Ақтау, Тараз қалаларына барып көрдіңдер ме?

Ақтау қаласының ерекшелігі неде?

Тараз қаласының ерекшелігі неде?

VII. Үйге тапсырма: 2-тапсырма. Диалогті оқып, әрі қарай жалғастырыңдар.

- Тараз қаласы – Қазақстандағы ең көне қала.

- Иә, оның құрылғанына 2000 жылдан асты.

- Ол бұрын Әулиеата, Жамбыл деп аталған.

- Тараз қай облыстың орталығы?

- Тараз – Жамбыл облысының орталығы.

VIII. Бағалау.

Адрес публикации: https://www.prodlenka.org/metodicheskie-razrabotki/310391-atau-taraz