Разработка урока

Урок родного (осетинского) языка

Темæ: Номдар. Миногон. Мивдисæг. (Рацыд æрмæг фæлхат кæнын)

Нысан: сбæрæг кæнын зонындзинæдтæ фæлтæрæн куыстыты

фæрцы.

Урочы цыд:

1. Актуализаци

- Уæ бон хорз!

- Æрбадут.

- Æмбисондимæ разы стут?

- Сымах – та цæттæ стут исты базонынмæ?

- Уæдæ уæд размæ! Кусæм тестыл.

2. Фæлтæрæн куыстытæ

А) ТЕСТ.

Адæймаг цы дзырдтæ нысан кæнынц, уыдон цавæр фарста домынц?

а) цавæр? б) цы?в) чи?г) цыхуызæн? д) цы кæны?

Цал дамгъæйы ис ирон алфавиты?

а) 33б) 43в) 10

Цавæр дзырд фæцух хъуыдыйады?

Хетæгкаты Леуаны фырт … у сывæллæтты уарзондæр фыссæг.

а) Къола б) Мысост в) Секъа г) Къоста

Предметы архайд цы дзырд æвдисы, уый куыд хонæм?

а) номдар б) миногон в) мивдисæг

Рæсугъд, адджын, тымбыл, æрвхуыз

- Лæвæрд дзырдтæ кæцы ныхасы хаймæ хауынц?

а) номдар б) миногонв) мивдисаг?

(Тест сбæрæг кæнын.)

Б) КЪОРДТÆЙ КУЫСТ.

- Ныр - та акусæм къордтæй. Алы къордæн дæр уарын йæ хæслæвæрд. Лæвæрд дамгъæтæй аразæм дзырдтæ.

- Куыст бæрæг кæнæм. Капитантæ рахизут размæ æмæ уæ дзырдтæ равдисут.

( Равзæрд дзырдтæ: номдар, миногон, мивдисæг)

- Сывæллæттæ, бæлвырд – ма сæм æрбакæсут æмæ зæгъут, иу дзырдæй сæ куыд ис схонæн?(Ныхасы хæйттæ)

- Фæйнæгыл – ма сæ бафидар кæнæм,семæ куыд зонгæ кодтам, уымæ гæсгæ.

- Уæдæ чи зæгъдзæн, нæ урочы цæуыл кусдзыстæм?(Номдар, миногон, мивдисæг фæлхат кæндзыстæм , фæлтæрæн куыстыты руаджы)

- Хорз. Капитантæ, алчидæр - ма уæ йæ равзæрд дзырды тыххæй радзурæд.

Улæфты рæстæг ( физминуткæ )

Къах лæууы, лæууы, лæууы…

Къах цæуы, цæуы, цæуы…

Къæхтæ згъорынц, згъорынц, згъорынц…

Къæхтæ кафынц, кафынц, кафынц…

Ох, мæ къæхтæ, ох!.. (Æмæ æрбадынц.)

В) КЪÆЙТТÆЙ КУЫСТ.

- Ныр – та байгом кæнут уæ тетрæдтæ æмæ ныффыссут абоны нымæц.

- Чингуыты ссарут 110 –æм фарс 208 –æм фæлтæрæн.

Бакæсæм хæслæвæрд. ( Бакæс текст. Ставддæрæй фыст дзырдтæй фæрстыты фæрцы сбæрæг кæн предметты нæмттæ, миниуæг æмæ архайд æвдисæг дзырдтæ, ныффысс сæ æтрæ цæджындзæй.)

- Бакæсæм текст.

- Тексты мидис цæуыл у? ( Дзæуджыхъæуыл)

- Радзырды автор уæ исчи куы уаид, уæд – ма цы бафтауид текстмæ? ( Дзæуджыхъæу у нæ республикæйы сæйраг горæт. Сахар.)

- Хæслæвæрд æмбæрстгонд у? Уæдæ кусын райдыдтам.

- Куы фæуат фыст, уæд уæ кæрæдзийы куыстытæ сбæрæг кæндзыстут. Рæдыд чи æруадза, уый йæ йæхæдæг раст кæны.

- Эталонмæ гæсгæ сбæрæг кæнут уæ куыст.

- Æнæ рæдыдæй чи бакуыста?

- Чи фæрæдыд?

- Куыд дæм кæсы, цæмæн æруагътай рæдыд? ( Фарст раст нæ радтон…)

- Æмæ дын цы баххуыс кодта, рæдыд сраст канынан? ( Раиртæст мæ зæрдыл æрлæууын кодтон)

Улæфты рæстæг ( физминуткæ )

3. Кæронбæттæн

- Нæ урочы кæронбæттæны – ма нæ зæрдыл æрлæууын кæнæм, цæуыл дзырдтам, уый.

(Фæлхат кодтам ныхасы хæйттæ : номдар, миногон, мивдисæг)

- Æмæ нæ къухы бафтыд уыцы нысан?

- Фæйнæгмæ – ма иу хатт æрбакæсут. Ницы бафиппайдтат?

( Равзæрд дзырдтæ амонынц ирон тырыса)

- Раст зæгъут. Æмæ цы нысан кæнынц тырысайы хуызтæ?

( Урс у удвæрны, митдунейы сыгъдæгдзинады нысан. Бур – фарны, бæркад, хъæздыгдзинады нысан. Сырх – та у тых, æхсардзинады нысан.)

- Ныр та уæ алчидæр йæ куыстæн аргъ скæнæд.

- Куыд уынæм, афтæмæй, нæ гыццыл Ирыстоны сæрмæ хур скаст. Уый нæ рухс фидæныл

дзурæг у. Мæ зæрдæ уын зæгъы æнæниздзинад. Кæддæриддæр уæ митдуне сыгъдæг куыд уа, зонд – хъæздыг, уæ тыхыл та тых куыд æфта.

- Уæ фæндтæ уæ къухы бафтæнт!

ГОМ УРОЧЫ ПЛАН

ИРОН ÆВЗАГÆЙ

2 КЪЛАСЫ

БАЦÆТТÆ КОДТА : РАЙДИАН КЪЛÆСТЫ АХУЫРГÆНÆГ

БÆЦОЙТЫ АЛЬБИНÆ

Адрес публикации: https://www.prodlenka.org/metodicheskie-razrabotki/481002-razrabotka-uroka