Конспект открытого занятия Развитие связной речи дошкольников через театрализованную деятельность Ахуырадон архайд «Театрмæ балц»

ДЗÆУДЖЫХЪÆУЫ 98-æм МУНИЦИПАЛОН БЮДЖЕТОН РÆВДАУӔНДОН
СÆРМАГОНД КУЫСТЫ ХУЫЗТИМÆ

Методическое объединение:
"Развитие связной речи дошкольников через театрализованную деятельность
Ахуырадон архайд
"Театрмæ балц"

Бацæттæ кодта
ирон æвзаджы хъомылгæнæг:
Дзгойты Ф.

2024 аз.

Нысан:

Сывæллæтты ныхасы рæзтыл куыст театралон архайды фæрцы.

Ахуыры хӕстӕ:

1. Фæхъæздыгдæр кæнын сабиты дзырдуат;

2. Ахуыр кæнын номдар «театр» æмæ миногон «театралон»-æй дзырдбæстытæ аразыныл;

3. Сабиты ахуыр кæнын мыртæ [ГЪ] [ХЪ ]раст æмæ сыгъдæг дзурын;

4. Сабиты иумæ хæларæй архайын ахуыр кæнын, æхсæнадон бынæтты хи дарыны æгъдæуттæ сын амонын.

5. Сабиты æргом аргъауы рдæм раздахын театыры алыхуызон хуызты руаджы.

Ног дзырдтæ: театрдзаутæ, афишæ, галуан.

Рагагъоммæйы куыст

Сабитимæ сахуыр кæнын аргъæуттæ "Зæронд бирæгъ", мырон хъазт, змæлгæ хъазт;

Æрмæг: нывтæ аргъаумæ "Зæронд бирæгъ", порти, театр конустыл, билеттæ,

декорацитæ театрмæ

Ахуыры нывæст:

(Слайд 1)

Хъ. Сабитǽ арбакǽсут- ма , абон нǽм бирǽ уазджытǽ ǽрбацыд, иума ма сын салам раттам.

С. «Уа райсом хорз!»

Хъ.Сывæллæттæ, абон нæ темæ у тынг цымыдисаг. Ныхас кæндзыстæм театры тыххæй. Зонут, цы у театр, уый? (Сабиты дзуæппытæ.)

Хъ.Театр у стыр галуан, ис дзы сценæ (СЛАЙД 2)– уым артисттæ æвдисынц спектакльтæ; ис дзы театрмæкæсджыты зал (СЛАЙД 3), уым ис бирæ бадæн бынæттæ. Нæ горæты ис цалдæр театры. Цавæр тетртæ зонут нæ горæты?

С: Ис нæм сабиты театр "Саби" (СЛАЙД 4)

С: Ис нæм Ирон театр; (СЛАЙД 6)

С:. Ис нæм Уырыссаг академион театр; (СЛАЙД 7)

Хъ. Куыд схонæн ис, театры артисттæ цы ран фæхъазынц, уыцы бынат?

С. Сценæ. Артисттæ хъазынц сценæйыл.

Хъ. Кæсгæ сæм чи кæны, уыцы адæм та кæм фæбадынц æмæ сæ куыд хонæм?

С. Адæм бадынц залы.

Хъ.Сабитæ уæдæ ма зылды æрлæууæм æмæ ахъазæм (хъазт портийымæ) Дзырд «театралон»-имæ бабæттут дзырдтæ (номдартæ)зал, сценæ, артист, равдыст,программæ, афишæ Цавæр дзырдбæстытæ нæм рауайдзæн? Зæгъæм, зал. Зал æмæ театралон – театралон зал.

Хъ. Залы цы адæм бадынц, уыдоны хонæм театрдзаутæ.

Куыд зæгъæн ис ацы дыууæ дзырды иумæ?

Сабитæ иугай дзурынц театралон зал.

Хъ. Артист – театралон артист (дзуры сабитæй иу);

программæ – театралон программæ;

зал – театралон зал;

равдыст – театралон равдыст;

сценæ – театралон сценæ;

афишæ – театралон афишæ æ.а.д.

Хъ.Сабитæ, цæмæй мах дæр артисттæ уæм, уый тыххæй не 'взаг хъуамæ сыгъдæг æмæ рæсугъд дзура, æмæ нын баххуыс кæндзæн мырон хъазт.

(СЛАЙД 7)

Бирæгъæй нæ сæгъ лыгъди,

Бирæгъ тынг зæронд уыди,

Сæгъ ыл худт, гæппытæ кодта,

Цуанонмæ нæ сæгъ ызгъордта.

Хъ. Тынг хорз, сабитæ. Рацæут ма стъолы цурмæ. (Стъолыл нывтæ – аргъау «Зæронд бирæгъ») (СЛАЙД 8) Сабитæ ныр æрымбырд кæнут  радыгай нывтæ æмæ йæ базондзыстут цы аргъау равдисдзыстæм (Сабитæ кусынц)

Хъ. Цавæр аргъау у?

С:Зæронд бирæгъ.

Хъ:Æмæ ма цавæр аргъæуттæ зонут бирæгъы тыххæй? (Сабитæ дзуапп дæттынц)

Хъ: Сабитæ, æмæ цавæр хъæзтытæ зонут бирæгъ-имæ? (Дзуапп дæттынц)

(СЛАЙД 9)Хъазт "Хъазтæ"

Хъазтæ, хъазтæ, хъæумæ.

Нæ уæндæм.

Кæмæй?

Бирæгъæй.

Кæм ис?

Хъæдрæбын.

Цы кусы?

Хъазтæ тоны.

Ратæхут, ма тæрсут.

Уæ базыртæ хъахъхъæнут.
Хъ. Уæдæ ныртæккæ мах ахъаздзыстæм театрæй. Æцæг театры куыд вæййы?
С. Адæм æрбацæуынц театрмæ, балхæнынц билеттæ, бацæуынц залмæ, сбадынц сæ бынæтты æмæ фæкæсынц равдыстмæ.

Хъ:(СЛАЙД 10) Æмæ театрдзаутæ сæхи куыд дарынц, уый уæ нæ ферох? Хъуыды ма йæ кæнут?

С.Хъуамæ æгъдауджын уой. Лæмбынæг хъусой. Стгæ ма кæной, хъæрæй ма дзурой, уынæр ма кæной.

Хъ. Тынг хорз!

Хъ.Мах дæр, æцæг театры куыд вæййы, афтæ алцыдæр æрцæттæ кодтам. Уæдæ ма нæ цы хъæуы?

С.Билеттæ.

Хъ.Æз уын сæ байуардзынæн. Æрбадут уæ бынæтты.

(Сабитæй кæй фæнды, уыдон цалдæрæй рацыдысты размæ, слæууыдысты стъолы цур, иннæ сабиты къорд та сбадтысты бандæттыл «залы»)

(СЛАЙД 11)

Хъ:Чи райдайдзæн аргъау?

С: Дзурæг. Цардис иу бирæгъ, базæронд æмæ сфæнд кодта Дзуары бынмæ фæцæуын.
С:(Бирæгъ) Бирæ фос фæцагътон, бирæ зиан æрхастон адæмæн, цæуон Дзуары бынмæ, мæ тæригъæдтæ ссыгъдæг кæнон.

С:Дзурæг: Араст ис бирæгъ Дзуары бынмæ, мæнæ бахæццæ иу æрдудзмæ, кæсы æрдудзы астæу хизы бæх. Бирæгъ æм йæхи хæстæг баласта æмæ йæм дзуры.

(Конус иннæ сабийæн дæттынц)

С:(Бирæгъ) у-у, мæнæ бæх, хæргæ дæ кæнын.
С:(Бæх) - Иго-го, зæронд бирæгъ, æмæ мæ куыд хæрыс, дзидзайы мур мыл куынæ ис, фæлæ мыл ис ног цæфхæдтæ, райс сæ дæхицæн.

С:(Бирæгъ) - Цæфхæдтæ дæр хъæугæ сты.

Дзурæг: Бирæгъ хæстæг бацыд бæхмæ, куы æргуыбыр кодта цæфхад æфтауынмæ, афтæ йæ бæх ныццавта æмæ йын йæ ных ныммур кодта. Атылди бирæгъ, нынниудта. Куы фæдзæбæх, уæд та араст Дзуары бынмæ. Цæуы, цæуы æмæ та хъæды кæрон йæ размæ фæцис дыууæ фысы.

С:(Бирæгъ) - у-у, хæргæ уæ кæнын мæнæ фыстæ.

С:(Фыс)- Бе-е, æмæ нæ куыд хæрыс?

С:(Бирæгъ) - Уæдæ куыд?

С: (йæ къухы конус фыс) - Ды нæ астæу æрлæуу, мах дæм æрбатæхдзыстæм, фæстейы чи баззайа, уый иу раздæр бахæр, стæй та иннæйы.

Дзурæг: Бирæгъ сразы, фыстæ фæйнæрдæм фæцыдысты æмæ бирæгъæн йæ фæрстæ ныцъцъæл кодтой.

С:(Бирæгъ) - У-у, мæ фæрстæ мын ныппырх кодтой.

Дзурæг: Бирæгъ йæхи фæдзæбæх кодта, стæй та сфæнд кодта Дзуары бынмæ фæцæуын. Цæуы, цæуы æмæ йæ размæ фæцис иу хъуг.
С: (Бирæгъ) Мæнæ хъуг, хæргæ дæ кæнын.

С: (Хъуг) Бауадз ма мæ, фæстаг хатт ма азарон, æз ныззардзынæн, ды нынниудзынæ.
С: (Дзурæг) Бирæгъ сразы, хъуг ныууасыд, бирæгъ нынниудта. Сæ уасынмæ фыййау фæфæдис.

С: (Фыййау) Фæдис, фæдис, бирæгъ мын мæ хъуджы хæры

С: (Дзурæг) Бирæгъ ма тыххæй аирвæзт хъæдмæ.

Хъ: Сабитæ, уæ зæрдæмæ фæцыд артисттæ уæвын?

С: О!

Хъ.Сымах тынг хорз артисттæ стут. Уæ зæрдæмæ фæцыд спектакылы архайын?

С: О!

Хъ: Уæ зæрдæмæ дзы цы фæцыд?

Бирæгъ искæйы зæрдæмæ фæцыд?

Бирæгъ цавæр у?

(Бирæгъ хъаруджын æмæ зондджын тугдзых у, зыд, æнæфсис.

Стонг æмæ знæт у бирæгъ)

Хъ: Нæ зæрдыл ма æрлæууын кæнæм æмбисæндтæбирæгъы тыххæй?

С: "Бирæйæ бирæгъ дæр не `фсæды"

«Бирæгъы комæй стæг чи скъæфы!»

«Зыд лæг æмæ зыд бирæгъæй уæлдай нæй»

Хъ. Нæ ахуыртæ кæронмæ æрхæццæ сты, цавæр ног дзырдтæ базыдтат абон?

Бузныг, сабитæ абон тынг хорз бакуыстат. Æмæ уын æрцæттæ кодтон лæварттæ. Хæрзбон. (СЛАЙД 10)

Адрес публикации: https://www.prodlenka.org/metodicheskie-razrabotki/596039-konspekt-otkrytogo-zanjatija-razvitie-svjazno